في ليله ... كنت سارحه

[اسيرة الليل]

في ليله
كنت سارحه
رسمت في خيالى احلام وطموح
وعيون..وقلب مدفون
ولونتها من كثر الجفا
باحلى كلام
واعذب نغم
واخفيت همى
لجل مااشوه الصوره
وقتها
ماكنت عارفه
ان الحقيقه تجرح كثير
وان الحزن هو المصير
ولكن حبيت الخيال
ومابي اتركه
اااه ياليل
ياكثر مانسى همومى فيك
لانى اشوف حبيبي محتويك

اسيرة الليل

[أستاذ الغرام]

تختبيء مفرداتي خجلاً

وتتوارى خلف سطورها

هابت إستحياءاً مما نثرتيه هنا

في مساحاتها البيضاء

اشكرك على هذا الحظور

الذي له شرف كبير تتقلده

حروفي وكلماتي المبعثره

لك مني كل الود

[عـيـLOLOـــون]

تخيل بعد هالعشره الطويله..

يجي غيري وياخذك بسهوله..

مدامك بعت الأيام الجميله..

وش اللي بس من حقي أقوله..

تباني أشتكي من بشتكيله..

لعذالي عسى الله لا يقوله..

تباني أذرف دموع حميله..

على قولتك تنهان الرجوله..

تباني أدخل بعشره بديله..

بترضى بترضى إن شفت حبي من يطوله..

بترضى أعطي فؤادي دخيله..

بترضى اسمح لغيرك وصوله..

ترى ماهي قضيه من يشيله..

ولا قصه من اللي يدور حوله..

ولوطاوعت قلبي في دليله..

تراها اختار من ناس سعوله..

ولكن الأمانه بي ثقيله..

وحيد امنتلي سر الطفوله..

واذا الغايه تبررها الوسيله..

ابى قلبك يبينلي فضوله..

تكلم.. تكلم .. تكلم مابقت في يديك حيله..

علامك صارت عيونك خجوله..

خلاص.. خلاص نروح كلن في سبيله..

على راسي طلبك ولا تقوله
الله اسيرة الليل اشكر اناملك على ماطرحتة والى الامام

[ولــــQtrـــد]

اسيرة الليل

دائما ً تثيرين رياح الروعة داخل الإبداعات فتلفحنا نسائم روعتكِ ..
دام لك ذالك الاحساس التي تزينين أحرفكِ العطرة التي لا تقل عن روعـــة تواجدكِ في عذب الكلام

دمتي ودام قلمكِ بهذا التميز

[هــــدب]

يعطيكم الف عافية
في قمة الروعة