~نبض

[النآيفـ]

~نبض

بسم الله الرحمن الرحيم

هنا سيكون لقلمي نبض.. وهنا.. سأكون!

النآيفـ

[النآيفـ]

لا اله الا الله العظيم الحليم
لا اله الا الله رب العرش العظيم
لا اله الا الله رب السموات ورب الارض ورب العرش الكريم

~~~

اللهم رحمتك ارجو فلا تكلني الى نفسي طرفة عين
واصلح لي شأني كله
لا اله الا انت الله
الله ربي لا اشرك به شيئا

~~~

لا اله الا انت سبحانك اني كنت من الظالمين

[النآيفـ]

اعشق الشعر وهنا عدد من اروع الشعراء

مااظن انه فيه شاعر يقدر يوصل لاحساس وابداع وشاعرية مهندس الكلمة بدر بن عبد المحسن واستشهد بالابيات التالية له


مالهم صوت .. غربوا والزمان سكوت .. ليتهم ماقربوا
وهقوني بالوصل .. علقوني بالأمل
هذا شيء لايحتمل ..
التجافي موت ..

الهوى تيه.. غرني ضعت في واديه .. وانت طيفك مرني
مرني ليل وفجر .. مرني باحلى العمر
آه من يقوى الصبر ..
التجافي موت ..

طول صدود .. صاحبك يالعيون السود .. ماسمع من صاح بك
صاح من هم وغضب .. ها الجفا ماله سبب ..
وانت من خان وكذب ..
ليه احبك موت ..

[النآيفـ]

سعد علوش وسعد علوش وسعد علوش

ماله شبيه في الاسلوب ويملك في اعتقادي اروع اساليب الالقاء واخترت له التالي



تضيق بي الدنيا بكبرها من عابيـس الوجيـه
و هاذاك لامنه تبتسـم شفـت للدنيـا طـرف

مني و اليي احببته و هو حبنـي منـه و أليـه
من غير لا أنا أعترف ومن غير لا هو يعترف

لبه آتحاكـا و كلبـوي يعـرف غايـة كلبيـه
اليا فرح و افرح و دمعـه لاذرف دمعـي ذرف

اغليه يعني اعشقه اعشقه يعنـي امـوت فيـه
يعني أنا ميت معا عشقـه و مرتبـة الشـرف

ميت و يعشق و السبب ما فيه داعي ان آحكيه
الغيـد فالدنيـا هـواه وهـو لحالـه محتـرف

الشامخ اللي لا أقبل و حضن يديني فـي يديـه
تراعدت فرايصـه بالغنـج و أتساقـط تـرف

امشي معه من غير لا اين و لا كيـف و ليـه
من حيث ما يجرفني آغمض عيوني و أنجـرف

ان قال لا أقول لا ان قـال أيـه اوقـول أيـه
ما عرف مسمع ما أرى ما أرى مسمع ما عرف

اللي اعرفة انـي أبيـه أيتجمـل بـي و أبيـه
و كان العدل في صدته سجلني اكبـر منحـرف

يغفرلـي الله و الله يديمـه و يرحـم و لديـه
علمني ان البعد نكسه حـال و الصـده قـرف

[النآيفـ]

سالم سيار مبدع لاخر حد واخترت له التالي


عساك بخير..

وش اول واخر جروحك..

وش اخر واول فراقي..

يقولوا من المسا تلملم بقايا نبرتي وتروح..

على اول ذكرى بالشارع..

نسينا كل سوالفنا عليه و كل مواجعنا..

وصرنا فيه ندورنا..

ندور من ملامحنا ملامحنا..

تشتتنا تشردنا..

الين انا ندور في وجيه الناس..

تصور..

ولا قطره بوجيه الناس تشبهنا وتشربنا..

وارد ضاميك..

وبعد مثلي ترد ضامي..

واقول ان المسا كاسك..

واصب عيوني لإحساسك..

وانا اتكسر..

مع كل اغنيه تفتح هدبها والمح عيونك..

يا عون الله تلاقينا..

تصور..

بأغانينا تلاقنيا..

عساك بخير..

وش أول واخر جروحك؟؟

وش آخر وأول فراقي؟؟

يقولوا من المسا تلملم بقايا قمرتي وتموت..

نسيت أسأل ؟

صحيح تمووت ؟

[النآيفـ]

محسن بن هادي واستغرب انه ماوصل لشهرة كثير من الشعراء اللي اشوفهم اقل منه في الابداع والشاعرية والدليل هذي القصيدة


{ مدخل } ..!




صادفت أنا الحاضر لقا دون ميعاد
وأقفى وكثر حكاي باقي محلّه

أدري سمعني وأن بغى القول ينعاد
لكن ظني في الجواب ألف علّه

*

*





أبنشدك ياوقت من قلب! وش فيك؟
وين القِيَم..؟ منت الذي كنت خابر

هو ظن هاجس أو حقيقة بتاليك؟
عطني صريح القول وأصحك تكابر

ليه الذكر ناظر لكذب المناظر؟
ماتت سياسة شوفنا بالمخابر

ليه العفو ذلّه وكل المذلّه؟
ماعاد تحسب أجر عافي وصابر

ليه ابتسامة ودّ تخفى وتنرد؟
غابت وهي لكسورنا طب جابر

ليه الفخر دامي أردد أسامي؟
يادين ثاني .. جهل من وقت غابر

ليه الكذب حيله تسمى وسيله؟
شفنا ضعيف النفس فيها يثابر

ليه الوفا خافي وزاد التجافي؟
عشنا حياة أغراب واحنا نكابر

ليه العطا نادر وإذا حان غادر
لجل المصالح ودّع الجود دابر

ليه القناعة صار منها مناعة؟
وصف الحرام اليوم هبره لهابر

ليه الوقاحة جمّلتها فصاحة
دور الخنا؟! بلسان صارت منابر

ليه النظر داني لدنيا الهواني؟
ياطين مهلك! بأرضها بس عابر

ليه الإثم عادي وهو فعل غادي؟
لين الصحايف سوّدتها المحابر

ياكثر مابنشد وياطول صمتك
واللي بقى؟ باقي على الصدر ثابر

منه أرتجي ربّ الخلايق وربي
عفوٍ بدنيا قبل ضيق المقابر