العميد
12-16-2005, 01:55 AM
أمي أغلى ما في الوجود بالنسبة لي , تخاف على خوف الموت , وما تخش على شي في حياتها , وكانت قصتها ويا صندوقها المبيّت قصة غربية بعض الشيء خصوصاً من نسوانا الأول .
في يوم من الأيام وانأ جاي من المدرسة تعبان , دخلت الغرفة وفسخت الجوتي , والدلاغ , ورميت شنطتي في الكرنه , وصحت على أمي بالغذاء لأني جوعان حّدي , أمي راحت التنور وانشغلت في حطاط الغذاء , وانأ رحت صوب الصندوق اتمنظر فيه وفي الفصوص النحاسية التي تشّكلت فيه بفعل الهندسة التشكيلية القديمة التي أبدعها المهرة من أبناء جنسي القدماء الأوائل التي أصبحت مهنتهم سائدة في ذلك الزمن الصعب .
مضى الوقت وأنا ساهم في النظر إلى الصندوق , جت أمي من التنور وفي يدها الغذاء الموملح _ اللي ماعليه اودام _ , وشوية بقل , وحطته في وسط الغرفة , وشافتني أطالع الصندوق , سألتني .. تبغي شي من الصندوق يا ولدي ؟ قلت ليها لا يا امي .. قالت لي : عجل لوش تبحلق فيه .. من دخلت واني اشوفك ؟ قلت ليها عاجبني واجد , واطالع فيه يمكن اقدر اسوي واحد مفله !! .. قالت اتغذدى ياولدي ولين كبرت سو مفله .. وطلعت في الحوي تنادي على الدجاج والبط اللي في الزريبه .
انا الصندوق عجبني واجد ورحت من فوارتي وقبعت الحركات اللي تبطل المجرات _ بيوت الصندوف _ وبعت وحد على زري عتيق وعطاني مشكابين ويش حلاوتهم , ركطت البيت وعطيتهم أمي .. فرحت واجد وحبتني بعد , وقالت لي من وين هذلين ياولدي ؟ قلت ليها من عند ابو زري عتيق .. وانت ويش عطيته مقابل المشاكيب , سكت وخفت تضربني .. وطلعت برى الحوي وقلت ليها من مقابض المجرات اللي في الصندوق , حمقت وقامت لي بطرف ولحقتني الى الزرنوق , وحدفتني بالحصى , وقالت لي لين جاء ابوك من الزراعة اباقول له .. انا خفت وطليت احوم ابروحي في الزرانيق , والفييه واحاجي روحي , جت المغرب وانا ادور , رحت ووقفت خلف البيت استمع الى المحاكمة من أمي الى ابوي في الشي اللي سويته , قال ابوي ان شفت ولدك اباضربه ضرب حتى مايعودها , انا ادري ان امي اتخاف من ابوي , وهو اذا قالها فعل .. انتفضت عافيتي من الخوف ورحت بيت عمتي اشتكي على امي .
اخذتني امي بين درعانها وخلتني في البر ورشحت وجهي بالماء وسمت على بالرحمان وقالت لي دوا امك عندي .. بعد ما استرحت في بيتهم ساعة اخذتني من ايدي وودتني الى البيت , وفي الداعوس سمعت صوت ابوي في البيت , خفت ورجعت على وراي وانا الصيحه على وجهي من الخوف , تلتنّي من ايدي ودخلنا ابيت زمن شافني ابوي فز واقف وحمل العصا , قالت له عمتي شوف يا خوي اني جبت الولد مو علشان تضربه .. علشان تقعد وياه وتعلمه , وتهديه الى طريق الخير .. اذا ضربته ما يري لويش انت ضربته .. بس علشان مقبض مجّر .. ويش فيها ؟.. وبكم ؟ شوف هذاني جبت الولد واقعد وياه ولا تضربه ترى الضرب ما ينفع .. لو يتفع نفع علووه ولدي .
خلتني عمتي في البيت وطلعت .. ابوي سمع كلام عمتي وما ضربني .. بس قال لي هذه المرة لا تعودها .
القعدة وياكم حلوة لكن اباكمّل وياكم بعدين .. اشوفكم على خير .
في يوم من الأيام وانأ جاي من المدرسة تعبان , دخلت الغرفة وفسخت الجوتي , والدلاغ , ورميت شنطتي في الكرنه , وصحت على أمي بالغذاء لأني جوعان حّدي , أمي راحت التنور وانشغلت في حطاط الغذاء , وانأ رحت صوب الصندوق اتمنظر فيه وفي الفصوص النحاسية التي تشّكلت فيه بفعل الهندسة التشكيلية القديمة التي أبدعها المهرة من أبناء جنسي القدماء الأوائل التي أصبحت مهنتهم سائدة في ذلك الزمن الصعب .
مضى الوقت وأنا ساهم في النظر إلى الصندوق , جت أمي من التنور وفي يدها الغذاء الموملح _ اللي ماعليه اودام _ , وشوية بقل , وحطته في وسط الغرفة , وشافتني أطالع الصندوق , سألتني .. تبغي شي من الصندوق يا ولدي ؟ قلت ليها لا يا امي .. قالت لي : عجل لوش تبحلق فيه .. من دخلت واني اشوفك ؟ قلت ليها عاجبني واجد , واطالع فيه يمكن اقدر اسوي واحد مفله !! .. قالت اتغذدى ياولدي ولين كبرت سو مفله .. وطلعت في الحوي تنادي على الدجاج والبط اللي في الزريبه .
انا الصندوق عجبني واجد ورحت من فوارتي وقبعت الحركات اللي تبطل المجرات _ بيوت الصندوف _ وبعت وحد على زري عتيق وعطاني مشكابين ويش حلاوتهم , ركطت البيت وعطيتهم أمي .. فرحت واجد وحبتني بعد , وقالت لي من وين هذلين ياولدي ؟ قلت ليها من عند ابو زري عتيق .. وانت ويش عطيته مقابل المشاكيب , سكت وخفت تضربني .. وطلعت برى الحوي وقلت ليها من مقابض المجرات اللي في الصندوق , حمقت وقامت لي بطرف ولحقتني الى الزرنوق , وحدفتني بالحصى , وقالت لي لين جاء ابوك من الزراعة اباقول له .. انا خفت وطليت احوم ابروحي في الزرانيق , والفييه واحاجي روحي , جت المغرب وانا ادور , رحت ووقفت خلف البيت استمع الى المحاكمة من أمي الى ابوي في الشي اللي سويته , قال ابوي ان شفت ولدك اباضربه ضرب حتى مايعودها , انا ادري ان امي اتخاف من ابوي , وهو اذا قالها فعل .. انتفضت عافيتي من الخوف ورحت بيت عمتي اشتكي على امي .
اخذتني امي بين درعانها وخلتني في البر ورشحت وجهي بالماء وسمت على بالرحمان وقالت لي دوا امك عندي .. بعد ما استرحت في بيتهم ساعة اخذتني من ايدي وودتني الى البيت , وفي الداعوس سمعت صوت ابوي في البيت , خفت ورجعت على وراي وانا الصيحه على وجهي من الخوف , تلتنّي من ايدي ودخلنا ابيت زمن شافني ابوي فز واقف وحمل العصا , قالت له عمتي شوف يا خوي اني جبت الولد مو علشان تضربه .. علشان تقعد وياه وتعلمه , وتهديه الى طريق الخير .. اذا ضربته ما يري لويش انت ضربته .. بس علشان مقبض مجّر .. ويش فيها ؟.. وبكم ؟ شوف هذاني جبت الولد واقعد وياه ولا تضربه ترى الضرب ما ينفع .. لو يتفع نفع علووه ولدي .
خلتني عمتي في البيت وطلعت .. ابوي سمع كلام عمتي وما ضربني .. بس قال لي هذه المرة لا تعودها .
القعدة وياكم حلوة لكن اباكمّل وياكم بعدين .. اشوفكم على خير .